summativler

VI SİNİF ÜZRƏ

 AZƏRBAYCAN DİLİ II BÖLMƏ ÜZRƏ KİÇİK SUMMATİV QİYMƏTLƏNDİRMƏ

1-5-ci suallar mətnlə bağlıdır.

ZARAFATIN SONU

Amerikanın Klivlend şəhərində yarləşən “General Elektric” şirkətində çox geniş yayılmış zarafat var idi. Şirkətə gələn hər yeni işçiyə ağ işıq yayan lampa düzəltməyi şərt qoyurdular. 1        Əslındə, şirkətin işçiləri belə bir lampanı düzəltməyin mümkün olmadığına əmin idilər.  2    Beləliklə, yeni gələn işçilər apardıqları təcrübələrin bir nəticə vermədiyini görəndə, insan təbiətinə uyğun olaraq, “Mən bacarmıram!” – deyir və təcrübələrinə son qoyurdular.   3   Ancaq 1928-ci  ildə bu işçilərdən biri,  39   yaşlı Marvin Pipkin “Mən bacarmaram!” yolu əvəzinə “Mən bacararam!” yolunu seçdi.   4   O, gecəsini-gündüzünə qataraq    5-6   günə məşhur fluoressent lampasını kəşf etdi.

1. Mətnin məzmununa uyğun gələn atalar sözünü göstər.

A) İş ilə zarafat olmaz.

B) Bacarmadığın işə “bacararam” demə.

C) Boyuna baxma, bacarığına bax.

D) Cəhd ilə siçan taxtanı dələr.

2. mətndən belə bir nəticə çıxarmaq olmaz.

A) İlk elektrik lampasını Marvin Pipkin kəşf edib.

B) Marvin Popkin XIX-XX əsrlərdə yaşamışdır.

C) Fluoressent lampası ağ işıq yayır.

D) Marvin Popkin 1889-cu ildə anadan olub.

3. “Onlar, sadəcə olaraq, yeni əməkdaşın ağ bayraq qaldırdığını görmək üçün bu zarafatı edirdilər” cümləsi nömrələnmiş boşluqlardan hansının yerinə uyğun gəlir?

A) 1        B) 2     C) 3     D) 4

4. “yol” sözü hansı cümlədə mətndəki mənada işlənmişdir?

A) Yolumuz uzaq olsa da, səyahətimiz maraqlı keçdi.

B) Buzqıran gəminin açdığı yoldan qayıqlar keçdi.

C) Asta gedən yorulmaz, yüyürən yoda qalar.

D) Bilik əldə etmək üçün əsas yol gərgin əməkdir.

5. Altından xətt çəkilmiş sözlər haqqında hansı doğrudur?

A) hər üçünü həm rəqəmlə, həm də sözlə yazmaq olar.

B) Hər üçünü Roma rəqəmləri ilə yazmaq olar.

C) Hər üçü sıra sayıdır.

D) Hər üçü miqdar sayıdır.

6. Hansı saylar Roma rəqəmləri ilə ifadə olunur?

A) müəyyən miqdar sayları

B) qeyri-müəyyən miqdar sayları

C) kəsr sayları

D) sıra sayları

7. Hansı cümlədə “onlarla” sözü say kimi işlənmişdir?

A) Sən bu gün onlara getməlisən.

B) Sən əvvəl onlarla məsləhətləş, sonra qərar ver.

C) Bu gün kitabxanaya onlarla əlyazma gətirildi.

D) Onlarla bizim aramızda heç bir ədavət yoxdur.

8. Hansı cümlədə numerativ söz yerinə görə düzgün işlədilməmişdir?

A) Yedii oğul istərəm, bircə dənə qız, gəlin.

B) Çoban yüz baş qoyunu yaylağa apardı.

C) Məclisə  cəmi iyirmi nəfər adam gəlmişdi.

D) Mağazadan iki top ipək parça aldım.

9.  Hnası cümlədə sayla işlənən ismin yazılışında səhvə yol verilib?

A) Milli Məclisdə bir sıra məsələlər müzakirə olundu.

B) Ötən il məhsul satışından xeyli gəlir əldə edildi.

C) Bədii kitabların tərcüməsində bir çox problem var.

D)  Azərbaycanda yüzlərlə tarixi abidə aşkar edilib.

10. Hansı bənddəki sayların ardıcıllığı verilmiş sıraya uyğun gəlir?

     yüzlərlə,   ikinci,    beş tam onda yeddi,  .......

A) onlarla, beşdə bir, üç tam onda yeddi

B) beş, bir sıra, IV

C) bir çox,  VII, bir tam yüzdə iki

D)  altıncı, beş-altı, üçdə iki

11. Roma rəqəmlərindən nə zaman istifadə edilmir?

A) Hökmdar adlarında sıra saylarını göstərmək üçün.

B) Əsrləri göstərmək üçün.

C) Siyahıların tərtibində sıra sayını göstərmək üçün.

D) İlləri göstərmək üçün.

12. Hansı cümlədə say işlənib?

A) O, bu gün çox gözəl görünür.

B) Ən az şagird bizim sinifdədir.

C) Onlar xeyli pıçıldaşdılar.

D) Çox danışma!

  

ƏDƏBİYYATDAN II BÖLMƏ ÜZRƏ KİÇİK SUMMATİV QİYMƏTLƏNDİRMƏ

Xəlil Rza Ulutürkün   “Gerbimiz – qəlbimiz” şeiri əsasında

1. Bənddə hansı bədii təsvir və ifadə vasitələri var?

    Qabaran tunc köksümüzdür qalxanımız, sipərimiz,

    Əvvəl-axır qıracağıq qart düşmənin belini biz.

    Alovlarda, çovğunlarda daim yaşa dolasıyıq,

    Od yurdunda od tükənsə, özümüz od olasıyıq.

A) təşbeh, bədii sual               B) epitet, mübaliğə, bədii sual

C) təşbeh, epitet, mübaliğə     D) təşbeh, epitet, bədii sual

2. Mətndə verilmiş “ərz” sözünün mənası nədir?

A) dəniz     B) yer    C) od     D) göy

3. Bəndin hansı misrasında bədii təsvir və ifadə bvasitəsi işlənmişdir?

    Yalnız qızıl alovlarla bəzəmədik gerbimiz,

    Aləm üçünŞ bəşər üçün məşəl tutduq qəlbimizi.

    Dedik: Bu Yer kürəsində nə qan, nə bir məzar olsun,

    Məzarlara gül qoymayaq, cahan özü gülzar olsun!

A) I və II       B) I və III      C) III və IV      D) II  və IV

4. Mətnin növünü müəyyənləşdirin:

A) nəqli   B) təsviri    C) mühakimə     D) məlumatlandırıcı

5. Misraların hansında epitet işlənmişdir?

A) Göy rəngimdə türklük yaşar – millətimin amalıdır.

B) Qızıl sünbül soraq verir, xırman-xırman bərəkətdən

C) Sən şəkil yox, nəfəsimsən, axan qansan varlığımda

D) Vətənimə can verməli mənim əzmim, mənim işim

6. Şeirin II bəndində verilmiş “əzm” sözünün mənası nədir?

A) ehtiyat    B) qətiyyət    C) güc    D) ucalıq

7. Aşağıdakı misralarda hansı bədii təsvir və ifadə vasitələri verilmişdir?

    Cavan palıd mən özüməm, kökü ərzin mərkəzində,

    Kökü burda, budaqları xan Arazın o üzündə.

A) epitet, bədii sual               B) təşbeh, bədii sual

C) təşbeh, mübaliğə               D) epitet, mübaliğə

8. Şeirin əsas mövzusu ilə bağlı fikri müəyyənləşdirin:

A) Bayrağımızdakı rənglərin mənasından danışılır.

B) Xalqımızın tarixindən danışılır.

C) Dövlətimizin müasirliyindən söhbət açılır.

D) Dövlətimizin rəmzi olan gerbimizdən danışılır.

9. Aşağıdakı misralarda hansı bədii təsvir vasitəsi və fakt əlaqələndirilmişdir?

    Səkkizgüşə ulduzumda səkkiz cənnət qapısı var,

    Yalnız oğul qeyrətiylə açılacaq bu qapılar.

A) təşbeh – say       B) epitet – yer       C)  təşbeh – ad      D) epitet – tarix

10. Şeirin idayası ilə bağlı fikri müəyyənləşdir:

A) Gerbimiz millətimizin tarixidir.

B) Gerbimiz mərd oğulların gücü, qüvvəsidir.

C) Gerbimiz müqəddəs məmləkətin bərəkətidir.

D) Gerbimiz xalqımızın şərəf və vüqarıdır.